Bapak saha Ibu
Joko Surasa
Jln. Aip
Mungkar Parakan
Temanggung.
Sembah
sungkem,
Lumantar serat punika,
kula aturi uninga bilih kawontenan kula ing Semarang tansah ginanjar wilujeng
nir ing sambekala. Menggah panuwun kula dhumateng gusti Allah SWT, mugi-mugi
kawontenanipun Bapak saha Ibu ugi mekaten. Amin.
Kajawi punika, ingkang
putra ngaturi priksa bilih kintunannipun arta sampun kula tampi rikala dinten
Minggu kapengker. Arta punika sampun kula ginakaken kangge prabeya sekolah.
Tirahipun kangge nyekapi kabetahan wonten kos. Ingkang kaping kalih, kula
ngaturi priksa bilih sekedhap malih badhe tes semesteran. Pramila kula nyuwun
tambahing berkah pangestu mugi-mugi kula saged nglampahi tes semesteran punika
kanthi biji ingkang sae, amin.
Ing wusana cekap
semanten rumiyin serat kula, sanes wekdal dipunsambet malih. Menawi wonten
kirang trapsilaning atur dhumateng Bapak saha Ibu, kula nyuwun lumunturing
samudra pangaksami.
Semarang,
26 Nopember 2008
Ingkang
putra
Divan hastari Pramusinta
Tidak ada komentar:
Posting Komentar